Pacolli prane blerjes se klubit italian

nga **An0nim** Fri 5 Jul 2013 - 2:35

Behgjet Pacolli, zëvendëskryeministër i Kosovës, është i interesuar të investojë në klubin e ligës së tretë në Itali, Vicenza. Këtë ai pritet ta bëjë në bashkëpunim me biznesmenin tjetër kosovar që jeton në Zvicër, Hamdi Mehmeti, i cili është aksionar edhe i skuadrës së Superligës së Kosovës, Hajvalia.

Mehmeti prej disa ditësh është në Itali, ku ka pasur takime të shumta me drejtuesit e klubit. Madje në një moment ata ishin shumë afër nënshkrimit të kontratës, mirëpo tani kanë dalë disa çështje të vogla teknike, të cilat pritet të zgjidhen brenda kësaj jave.

Një takim i radhës në mes të dy palëve pritet të mbahet të enjten ku përfundimisht do të vendoset nëse skuadra italiane do të bie në duart ë kosovarëve.

Pacolli dhe Mehmeti do të duhet të paguajnë 600 mijë euro garanci deri me datë 16 korrik, në mënyrë që të fillojnë punën me klubin.

E përditshmja “Tribuna di Treviso” shkruan se Mehmeti është një kandidat shumë serioz për të marr frenat e klubit.

“Pas nëntë vitesh të Segio Casingenës në krye të klubit, Vicenza do të jetë prapë në duart e huaja. E veçanta e konsorciumit zviceran është se përbëhet nga dy biznesmenë me origjinë kosovare. Është Hamdi Mehmeti, një sipërmarrës i ri, dhe Behgjet Pacolli, ky i fundit për dy muaj nga shkurti deri në prill të vitit 2011 ka qenë edhe President i Kosovës”, shkruan portali i mirënjohur sportiv goal.com. /shqiperia.com

nga **Anakonda** Wed 22 Oct 2014 - 19:59

do isht interesante qe 1 kosovar tdrejtoj 1 ekip italjan

Pacolli prane blerjes se klubit italian

Pacolli prane blerjes se klubit italian

Re: Pacolli prane blerjes se klubit italian